Демо обука за презентација

Почитувани,

Пред Вас е курсот СПРОВЕДУВАЊЕ НА МЕРКИТЕ ЗА СЛЕДЕЊЕ НА КОМУНИКАЦИИТЕ.

Целта на овој курс е зајакнување на капацитетот и експертизата на судиите и јавните обвинители во овластувањето и надзорот над употребата на посебните истражни мерки, преку почитување на усвоените стандарди и принципи, претставени преку праксата на Европскиот суд за човекови права.

Курсот е составен од три модули:

1.       Меѓународни принципи и стандарди за примена на мерките за следење на комуникации

2.      Спроведување на мерките за следење на комуникациите за целите на кривичната постапка

3.      Контрола и надзор над примената на мерките за следење на комуникациите

После секој модул има квиз за само-евалуација на наученото низ презентацијата.

Курсот е наменет за кандидатите за судии и јавни обвинители што посетуваат обука во Академијата за судии и јавни обвинители, како и за сите судии и јавни обвинители и судско-обвинителски службеници.

Содржината на модулите од курсот е издвоена од Прирачникот за спроведување на мерките за следење на комуникациите (https://www.dcaf.ch/benchbook-implementation-measures-interception-communications), развиен во рамките на Програмата за реформи во разузнавачкиот сектор во Северна Македонија (2017-2021) (https://dcaf.ch/intelligence-reform), со финансиска поддршка од Холандија (Министерство за надворешни работи), Шведска (SIDA) и Швајцарија (SDC).

Ви посакуваме успех!